Tag: खेलकुद

भाद्र २४, २०७३- सार्जिल खान र खालिद लतिफले ओल्ड ट्रयाफोर्डमा इंग्ल्यान्डका बलरलाई चारैतर्फ प्रहार गरेपछि पाकिस्तानले बुधबार राति एकमात्र ट्वान्टी–२० खेलमा ९ विकेटको जित हात पार्दै भ्रमण टुंगाएको छ। बायाँ हाते सार्जिलले ५९ रन बनाएपछि इंग्ल्यान्डले दिएको १ सय ३६ रनको लक्ष्य पाकिस्तानले ३१ बल अगाडि १ सय ३९ रन बनाएर पूरा गर्‍यो। ३६ बल खेलेका सार्जिलले ७ चौका र ३ छक्का प्रहार गरे। उनले लतिफसँग पहिलो विकेटका रूपमा ६९ बलमा १ सय ७ रन जोडे। लतिफले ७ चौका र ३ छक्का मदतले नटआउट ५९ रन बनाए। इंग्ल्यान्डले त्यही टोली उतारेको थियो, जसलाई वेस्ट–इन्डिजले अन्तिम ओभरको रोमाञ्चक खेलमा पराजित गरी अप्रिलमा कोलकातामा विश्व ट्वान्टी–२० क्रिकेट जितेको थियो। यस नतिजापछि सरफराज अहमदले ट्वान्टी–२० कप्तानका रूपमा पाकिस्तानलाई पहिलो खेलमै विजयी दिलाएका छन्। यी दुईबीचको टेस्ट शृंखला २–२ को बराबरीमा रोकिएको थियो भने एकद

इङ्लिस प्रिमियर लिगमा खेलाडी किनबेचको रकमले नयाँ इतिहास रचेको छ। यस वर्ष गर्मी महिनामा १० अर्ब पाउन्ड खेलाडी किनबेचमा खर्च भएको बिबिसीले जनाएको छ। यो रकम प्रिमियर लिगको गर्मी महिनामा अहिलेसम्म भएको सबैभन्दा बढी खर्च हो। यस सिजनको गर्मी महिनाको खेलाडी अनुबन्धनको समय बुधबार समाप्त भएको थियो। यस अवधिमा क्लबहरूले संयुक्तरूपमा १० अर्ब ५० लाख पाउण्ड (१ खर्ब ४० अर्ब ८८ करोड ६६ लाख रुपियाँ) खेलाडी किनबेचमा खर्च गरेको खेलकुदको व्यापारिक समुह डेलोइटले खुलासा गरेको छ। यसअघि गर्मी महिनाको खेलाडी किनबेचको कूल खर्च ८ अर्ब ७० करोड पाउन्ड थियो। यो रकम गत साल भएको थियो। पछिल्लो ६ दिनमा भएको खेलाडीहरूको चर्को किनबेचपछि यसपालि सबै कीर्तिमान भंग भएको थियो। आर्सनलले मंगलबार मात्र लुकास पेरेज र सेखोडार्न मुस्ताफीका लागि ५ करोड २० लाख पाउन्ड खर्चिएपछि प्रिमियर लिगमा यो सिजन किनबेचको रकम १० अर्ब नाघेको हो। प्र