Best Online News From Nepal

काभ्रेमा जुफा कप फुटबल प्रतियोगिता शुरु, काभ्रेली फुटबलमा रम्दै

काभ्रेको ज्याम्दीमा दोस्रो जुफा कप फुटबल प्रतियोगिता शुरु भएको छ । गत शुक्रबार देखि शुरु भएको प्रतियोगितामा चौध टिम प्रतिष्पर्दामा उत्रेका छन् ।

ज्याम्दी युनाइटेड फुटबल एशोसिएसन जुफा ले विजया दशमी तथा शुभ दिपावलीको अवसर पारेर हरेक वर्ष जुफा कप फुटबल प्रतियोगिता आयोजना गदै आइरहेको छ । यस वर्षको प्रतियोगिता भने कार्तिक ९ गते देखि १९ गतेसम्म संचालन हुने प्रतियोगिताको उद्घाटन प्रमुख अतिथि यूवा संघ नेपालका कोषाध्यक्ष अमित लामाले गरेका थिए ।

प्रतियोगिताको उद्घाटन गदै लामाले देश विकासको मेरुदण्ड भनेकै यूवा वर्ग भएकाले सबै यूवाहरु परिवर्तनको अभियानमा लाग्नुपर्ने बताएका छन् । यसैगरी कार्यक्रममा जिसस काभेका सदस्य प्रेम लामा, नेकपा काभ्रेका सदस्य एवं यूवा संघ नेपालका केन्द्रीय सदस्य राकेश लामा नेकपा ज्याम्दीका यूवा नेता भिम लामाले समाज परिवर्तनमा यूवाहरुले खेल्नुपर्ने भुमिकाका विषयमा मन्तव्य राखेका थिए ।

भुम्लु गाउँपालिका १० ज्याम्दीको देउराली खेलमैदानमा फुटबल प्रतियोगिता भैरहेको छ । फुटबल शुरु भएसंगै त्यस भेगका स्थानीयहरु दैनिक रुपमा खेलमा रम्दै आइरहेका छन् । प्रतियोगिातमा प्रथम हुनेलाई २५ हजार, द्धितिय हुनेलाई १५ हजार र तृतियलाई १० हजार नगद तथा ट्रफी, मेडल तथा प्रमाणपत्र पाउनेछन् ।

आयोजक संस्थाका अध्यक्ष टिकाराम लामाले उत्कृष्ठ गोलकर्ता, उत्कृष्ठ डिफेन्स, उत्कृष्ठ खेलाडि, उत्कृष्ठ मिल्डफिल्टर, उत्कृष्ठ किपर र अन्य खेलाडीहरुलाई समेत सम्मान गर्ने खबरघरलाई बताए ।प्रतियोगिताको समापन तथा पुरस्कार वितारण कार्तिक १९ गते नेपाल सरकारका सुचना, सञ्चार तथा प्रविधी मन्त्री श्री माननीय गोकुलप्रसाद बाँस्कोटाले गर्ने अध्यक्ष लामाले जानकारी दिए ।