Best Online News From Nepal

अंकारा विष्फोटमा कम्तीमा ३४ को मृत्यु

मध्य अंकारामा गराइएको एउटा कारबम विष्फोटमा कम्तीमा ३४ जनाको ज्यान गएको त्यहाँका स्वास्थ्यमन्त्रीले बताएका छन्।

घटनामा १०० जनाभन्दा बढी घाइते भएका छन्।

गुभेन पार्क भन्ने स्थानमा विष्फोट गराइएको थियो जुन एउटा महत्पूर्ण यातायात केन्द्र र व्यापारिक क्षेत्र पनि हो।

विष्फोटपछि घटनास्थलमा थुप्रै गाडीहरुमा आगो लागेको देखिन्थ्यो, त्यसमा कम्तीमा एउटा बस पनि थियो।

लडाइँ

विष्फोटपछि घाइतेलाई लिन गएका थुप्रै एम्बुलेन्सहरु देखिन्थे।

टर्कीको हुर्रियत पत्रिकाले स्थानीय समयअनुसार साँझको ६ बजेर ४० मिनेटमा विष्फोट गराइएको बताएको छ।

उसका अनुसार अर्को आक्रमणको आशंकामा विष्फोटपछि उक्त क्षेत्र खाली गराइएको थियो।

राष्ट्रपति रिजेप ताय्यीप एर्डोआनले आतंकवादविरुद्धको लडाइँ जारी राख्ने वाचा गरेका छन्।

Source: BBC

Leave a Reply

Your email address will not be published. Required fields are marked *